چیف سیکرٹری گلگت بلتستان محی الدین احمد وانی کو عہدے سے ہٹا دیا گیا ہے اور عہدے سے ہٹائے جانے کے بعد محی الدین وانی کو اسٹیبلشمنٹ ڈویژن رپورٹ کرنے کی ہدایت کی گئی ہے جبکہ محی الدین وانی کی جگہ گریڈ 21 کے ابرار احمد مرزا کو چیف سیکرٹری گلگت بلتستان تعینات کیا گیا۔
واضح رہے کہ ابرار احمد مرزا ایڈیشنل سیکرٹری پیٹرولیم ڈویژن خدمات سر انجام دے رہے تھے۔ اسٹیبلشمنٹ ڈویژن نے ابرار احمد مرزا کے تبادلے کے احکامات جاری کردئیے ہیں.
تاہم خیال رہے کہ اس سے قبل وفاقی سیکریٹری کشمیر افیئرز اینڈ گلگت بلتستان کوعہدے سے ہٹا دیا گیا تھا اور اسٹیبلشمنٹ ڈویژن نے وفاقی سیکریٹری کشمیر افیئرز اینڈ گلگت بلتستان بابر حیات کو ہٹائے جانے کا نوٹیفکیشن جاری کردیا تھا۔
مزید یہ بھی پڑھیں؛
روزنامہ صحافت کو پی آئی ڈی کی طرف سے وارننگ نوٹس جاری
مولانا فضل الرحمان سے سابق وفاقی وزیر محمد علی درانی کی ملاقات
پنجاب کا اگلا وزیر اعلیٰ کون؟ خرم حمید روکھڑی کے اہم انکشافات
جبکہ انہیں عہدے سے ہٹانے کے بعد بابر حیات کو اسٹیبلشمنٹ ڈویژن رپورٹ کرنے کی ہدایت کی گئی تھی اور یاد رہے کہ بابر حیات پاکستان ایڈمنسٹریٹو سروس گریڈ 22 کے آفیسر ہیں۔