وفاقی وزیرِ داخلہ محسن نقوی سے امریکہ کے نائب وزیرِ خارجہ برائے جنوبی و وسطی ایشیائی امور کی اہم ملاقات ہوئی، جس میں پاک امریکہ تعلقات، خطے کی سکیورٹی صورتحال اور مشرقِ وسطیٰ میں جاری حالیہ پیش رفت پر تفصیلی تبادلۂ خیال کیا گیا۔
ذرائع کے مطابق ملاقات کے دوران دونوں ممالک کے درمیان دوطرفہ تعاون کو مزید مستحکم بنانے پر زور دیا گیا جبکہ سکیورٹی، انسدادِ دہشت گردی اور انسدادِ منشیات کے شعبوں میں اشتراکِ کار بڑھانے کے مختلف پہلوؤں کا بھی جائزہ لیا گیا۔وفاقی وزیرِ داخلہ محسن نقوی نے اس موقع پر کہا کہ صدر ڈونلڈ ٹرمپ کے دور میں پاک امریکہ تعلقات مزید مضبوط ہوئے ہیں۔ ان کا کہنا تھا کہ پاکستان اور امریکہ کے تعلقات باہمی اعتماد، احترام اور دوطرفہ تعاون پر مبنی ہیں۔
ملاقات میں خطے میں امن و استحکام، مشترکہ چیلنجز سے نمٹنے اور مستقبل میں تعاون کے فروغ کے حوالے سے بھی مثبت پیش رفت پر اتفاق کیا گیا۔