اورنگی ٹاؤن میں ڈاکؤں سے پولیس مقابلے میں اہلکارشہید

کراچی کے علاقے اورنگی ٹاؤن سیکٹر گیارہ خلیل مارکیٹ کے قریب ڈاکو کی فائرنگ سے اہلکار شہید اور راہگیر زخمی ہوگیا۔

باغی ٹی وی کی رپورٹ کے مطابق ترجمان سندھ پولیس نے بتایا کہ ڈاکوؤں سے مقابلے کے دوران اہلکار شہید ہوا۔ ترجمان کے مطابق اورنگی ٹاؤن سیکٹر 11خلیل مارکیٹ کے قریب پولیس مقابلہ ہوا۔ترجمان پولیس کے مطابق 50 سالہ شہید پولیس اہلکار کی شناخت عبدالغفار ولد حاجی خان عمر سے ہوئی ہے، زخمی راہگیر کی شناخت اعجاز ولد گل علی خان عمر 24 سال سے ہوئی۔ذرائع کے مطابق پولیس نے کراچی کے شہریوں کے لیے رسپانس کیا ، واردات کو ناکام بناتے ہوئے ہیڈ کانسٹیبل شہید ہوئے ۔ پولیس مقابلے کے دوران تاج الدین نامی ایک ڈاکو زخمی حالت میں گرفتار ہوا جبکہ
ساتھی زخمی ڈاکو فائرنگ کرتے ہوئے فرار ہو گئے۔فرار ہونے والے ملزمان کا پیچھا کیا جا رہا ہے ۔مزید پولیس کاروائی جاری ہے۔

میڈیکل ٹورازم کو فروغ دینے کے لیے نجی شعبے کو مکمل تعاون فراہم کیا جائیگا ،وزیر صحت سندھ

چینی قونصلیٹ حملہ کیس میں کالعدم بی ایل اے کے 4 کارندوں کی شناخت