سری لنکا میں جاری آئی سی سی ٹی20 ورلڈکپ میں پاکستان نے ٹاس جیت کر نمیبیا کیخلاف بیٹنگ کا فیصلہ کیا، پہلے بیٹنگ کرتے ہوئے پاکستان نے نمیبیا کو جیت کے لیے 200 رنز کا ہدف دیا ہے نمیبیا کی ٹیم ہدف پورا کرنے میں ناکام رہی-
پاکستان نے نمیبیا کو 102 رنز سے شکست دے کر سپرایٹ مرحلے میں رسائی حاصل کرلیکولمبو کے سنہالیز اسپورٹس کلب میں کھیلے جارہے میچ نمیبیا کی ٹیم کو 200 رنز کے ہدف کے تعاقب میں مشکلات کا سامنا رہا،16 وویں اوور تک نمیبیا کے آٹھ کھلاڑی آؤٹ ہوگئے اور ٹیم کا مجموعی اسکور96 ہےفرائیلنک 9، لافٹی ایٹون 5، اسٹینکیمپ 23 اور کپتان جرہارڈ ایراسمس 7 رنز بناکر پویلین لوٹ گئے۔
پاکستان کی جانب سے عثمان طارق نے اننگز کے 14 ویں اوور میں جے جے اسمٹ اور روبین ٹرمپلمین کو آؤٹ کیا جبکہ سلمان مرزا، محمد نواز اور شاداب خان نے ایک ایک وکٹ حاصل کی ہے۔
ٹی20 ورلڈ کپ کے گروپ اے کے 35ویں میچ میں پاکستان نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 199 رنز بنائے اور نمیبیا کو جیت کے لیے 200 رنز کا ہدف دیا،پاکستان کی جانب سے صاحبزادہ فرحان نے شاندار بیٹنگ کا مظاہرہ کرتے ہوئے ناقابلِ شکست سنچری اسکور کی اور 58 گیندوں پر 100 رنز بنائے، شاداب خان 36 رنز کے ساتھ ناٹ آؤٹ رہے، جبکہ سلمان آغا نے 23 گیندوں پر 38 رنز کی جارحانہ اننگز کھیلی۔
نمیبیا کی جانب سے جیک براسال نے 2 وکٹیں حاصل کیں، جبکہ گیرہارڈ ایرسمس 1 وکٹ حاصل کرنے میں کامیاب ہوئے۔
قومی ٹیم کے کپتان سلمان علی آغا نے ٹاس جیت کر گفتگو میں بتایا کہ پاکستان نے میچ کے لیے 2 اہم تبدیلیاں کی ہیں؛ بیٹنگ کے لیے سلمان مرزا اور خواجہ نافع کو ٹیم میں شامل کیا گیا ہے، جبکہ شاہین شاہ آفریدی اور ابرار احمد اس میچ میں باہر رہیں گے،نمیبیا کو اچھا ہدف دینے کی کوشش کریں گے، ورلڈکپ کا ہر میچ اہم ہے ہم پر کوئی دباؤ نہیں۔
آج کا میچ پاکستان اور نمیبیا کے درمیان گروپ مرحلے کا انتہائی اہم مقابلہ ہے جس میں سپر8 مرحلے تک رسائی کا فیصلہ ہوگا۔