مادر وطن کی حفاظت کا فریضہ ادا ، جان پاکستان پر فدا ، بنوں میں دہشتگردوں کے حملے میں شہید ہونے والے لیفٹیننٹ کرنل شہزادہ گل فراز اور سپاہی کرامت کو فوجی اعزاز کے ساتھ سپرد خاک کر دیا گیا۔
شہید لیفٹینٹ کرنل شہزادہ گُل فراز تنولی کی نماز جنازہ میجر واصف شہید اسٹیڈیم مانسہرہ میں ادا کی گئی جس میں عسکری حکام ، وفاقی وزیر سردار محمد یوسف سمیت سیکڑوں افراد شریک ہوئے۔
اس موقع پر جذباتی مناظر دیکھنے میں آئے اور شہید کے بچوں کے آنسوؤں نے ہر آنکھ کو اشکبار کر دیا.شہید جوان کرامت کو بھی فوجی اعزاز کے ساتھ آبائی علاقے میں سپرد خاک کر دیا گیا۔
شہدا کے اہلخانہ اور اہل علاقہ کی بڑی تعداد نے شرکت کی جبکہ شہریوں نے پاک دھرتی سے والہانہ محبت کا اظہار کیا۔
مادر وطن کی حفاظت کا فریضہ ادا,شہید لیفٹیننٹ کرنل شہزادہ گل فراز ، سپاہی کرامت کی نماز جنازہ ادا
