صدر آصف علی زرداری نے نیپال کی راستریہ سوتنترا پارٹی اور اس کے لیڈر بلندر شاہ کو 2026 کے تاریخی انتخابی نتائج پر مبارکباد دی۔
صدر زرداری نے کہا کہ نوجوانوں کی فعال شمولیت الیکشن میں نہایت حوصلہ افزا ہے اور یہ خطے میں شفاف اور جوابدہ حکومت کے لیے وسیع امنگ کی عکاسی کرتی ہے،صدر نے اس موقع پر پاکستان کی سابق وزیر اعظم شہید محترمہ بینظیر بھٹو کی یاد دہانی کراتے ہوئے کہا کہ نوجوان قیادت کا ابھار جنوب ایشیا اور عالمی سطح پر ایک مثبت پیغام دیتا ہے۔
صدر زرداری نے پاکستان اور نیپال کے درمیان 1960 سے قائم گرمجوش اور دیرینہ تعلقات کا ذکر کرتے ہوئے کہا کہ دونوں ممالک باہمی احترام، نیک نیتی اور مشترکہ مفادات کی بنیاد پر تعلقات کو مزید مضبوط کرنے کے خواہاں ہیں انہوں نے نئی قیادت کی اصلاحاتی ایجنڈے کی کامیابی کے لیے نیک تمنائیں بھی دیں۔
ایران کا خطے میں اسرائیل اور امریکا کے بینکوں اور مالیاتی اداروں کو نشانہ بنانے کا اعلان
وزیراعظم شہباز شریف نے بھی ربی لامچھانے اور بلندر شاہ کو انتخابی فتح پر دل کی گہرائیوں سے مبارکباد دی اور کہا کہ پاکستان نئی منتخب حکومت کے ساتھ مل کر اپنی تاریخی دوستی اور تعاون کو مزید فروغ دینے کے لیے پرعزم ہے،یہ مضبوط مینڈیٹ نئی اور متحرک قیادت میں نیپالی عوام کے اعتماد کی عکاسی کرتا ہے پاکستان ہماری تاریخی دوستی اور تعاون کو مزید مضبوط بنانے کے لیے نیپال کی نو منتخب حکومت کے ساتھ مل کر کام کرنے کا منتظر ہے۔
دبئی ایئرپورٹ کے قریب دو ڈرون گرنے سے 4 افراد زخمی ہونے کی تصدیق