بھارتی اسٹاک مارکیٹ میں شدید مندی کے باعث سرمایہ کاروں کو بڑا دھچکا لگا ہے، جہاں صرف ایک گھنٹے کے دوران مارکیٹ میں تقریبا 10 لاکھ کروڑ روپے کی سرمایہ کاری ڈوب گئی، بی ایس ای (BSE) سینسیکس اور نفٹی (Nifty) انڈیکس میں بھاری گراوٹ کی وجہ سے مارکیٹ کریش کر گئی، جس کے باعث 4 دن کی مسلسل گراوٹ کے بعد سینسیکس 1,581 پوائنٹس گر گیا۔
سرمایہ کاروں نے جمعرات کی صبح کے آغاز میں ہی مارکیٹ میں بھاری نقصان دیکھا، جب بمبے اسٹاک ایکسچینج (BSE Sensex) اور نفٹی 50 (Nifty) تیزی سے گر گئے بدھ کے اختتام پر سینسیکس کی مارکیٹ کیپٹلائزیشن 4,22,01,433.48 کروڑ روپے تھی، جو 4,11,94,176 کروڑ روپے تک گر گئی، یعنی قریباً ایک گھنٹے میں 10 لاکھ کروڑ روپے کا نقصان ہوا۔
غیر ملکی سرمایہ کاروں کی جانب سے حصص کی مسلسل فروخت مارکیٹ میں کمی کی بڑی وجہ ہے دنیا بھر کی اسٹاک مارکیٹوں میں منفی رجحان کا اثر بھارتی مارکیٹ پر بھی پڑا ہے مشرق وسطیٰ کی جنگ اور پٹرولیم قیمتوں میں اتار چڑھاؤ کے باعث سرمایہ کار محتاط رویہ اپنائے ہوئے ہیں،اس تیزی سے گرتی ہوئی مارکیٹ میں سرمایہ کاروں کو شدید خوف و ہراس کا سامنا ہے اور وہ اپنے اثاثے فروخت کر رہے ہیں، جس سے مندی میں مزید اضافہ ہو رہا ہے۔
امریکی صدر ڈونلڈ ٹرمپ نے ایران کے خلاف شدید کارروائی کی دھمکی دی، جس سے برینٹ کروڈ کی قیمت قریباً 5 فیصد بڑھ کر 105 ڈالر فی بیرل ہو گئی، صنعتی دھاتیں جیسے تانبہ بھی گر گئیں غیر ملکی سرمایہ کاروں نے 1 اپریل کو 8,331 کروڑ روپے کے حصص فروخت کیے، جبکہ گھریلو اداروں نے 7,172 کروڑ روپے کے حصص خریدے، مگر یہ فروخت کو پوری طرح روکنے کے لیے کافی نہ تھا-
انڈیا وکس فائیو فیصد بڑھ گیا، جو سرمایہ کاروں کی جانب سے جلدی فروخت اور مارکیٹ میں زیادہ اتار چڑھاؤ کی توقع ظاہر کرتا ہے ریزرو بینک آف انڈیا کے قواعد سخت کرنے کے بعد بینک اسٹاکس میں 2.6 فیصد کمی دیکھی گئی، کیونکہ یہ اقدامات بینکوں کی کھلی مارکیٹ میں مخصوص معاہدے بند کرنے پر مجبور کرتے ہیں۔