ایران کی اسٹاک مارکیٹ 80 روز بعد آج دوبارہ کھول دی گئی ہے۔
ایرانی خبر ایجنسی کے مطابق تہران اسٹاک ایکسچینج مقامی وقت کے مطابق صبح 9 بجے ٹریڈنگ کیلئے کھولی گئی۔
رپورٹس کے مطابق ایرانی اسٹاک مارکیٹ امریکا اور اسرائیل کے حملوں کے بعد غیر یقینی صورتحال اور سکیورٹی خدشات کے باعث بند کر دی گئی تھی۔
ایرانی حکام کا کہنا ہے کہ مارکیٹ کی بحالی کا مقصد سرمایہ کاروں کا اعتماد بحال کرنا اور معاشی سرگرمیوں کو دوبارہ معمول پر لانا ہے۔
تجزیہ کاروں کے مطابق مارکیٹ کھلنے کے بعد سرمایہ کاروں کے رویے پر عالمی توجہ مرکوز ہے کیونکہ خطے میں جاری کشیدگی کے اثرات ایرانی معیشت پر بدستور موجود ہیں۔
معاشی ماہرین کا کہنا ہے کہ اگر خطے کی صورتحال مزید خراب ہوئی تو ایرانی مالیاتی منڈیوں کو دوبارہ دباؤ کا سامنا کرنا پڑ سکتا ہے۔
80 روز بعد ایرانی اسٹاک مارکیٹ دوبارہ کھل گئی
