پاک فوج ، ایف سی بلوچستان اور پولیس کا مشترکہ آپریشن شعبان جاری، مزید 4 دہشتگردوں کو ہلاک کر دیا گیا۔
سکیورٹی ذرائع کے مطابق آپریشن شعبان میں ہلاک دہشتگردوں کی مجموعی تعداد 83 ہو گئی ، جبکہ 5 جولائی سے اب تک آپریشن شعبان اور دیگر آپریشنز میں121 خارجی ہلاک ہو چکے ہیں خارجیوں کو فضائی اور زمینی کارروائیوں میں نشانہ بنایا جا رہا ہے ، آخری دہشتگرد کے خاتمے تک بلوچستان میں آپریشن شعبان جاری رہے گا۔
دوسری جانب دو روز قبل بلوچستان کے علاقے ماشکیل میں دہشتگردوں کی فائرنگ سے 5 مزدور جاں بحق ہوئے تھے، پولیس کے مطابق جاں بحق ہونے والے تمام افراد علاقے کی مختلف دکانوں پر کام کر رہے تھے، دہشت گردوں نے انہیں فائرنگ کا نشانہ بنایا۔
وزیر اعلیٰ بلوچستان سرفراز بگٹی نے دہشتگردی کے واقعے کی مذمت کرتے ہوئے کہا تھا کہ دہشتگرد نہتے مزدوروں کو نشانہ بنا کر اپنے مکروہ عزائم بے نقاب کر چکے ہیں ، ماشکیل میں فائرنگ سے 5 افراد کے جاں بحق ہونے کا واقعہ قابل مذمت ہے۔ اور حکومت نے واقعے کا نوٹس لیتے ہوئے شفاف تحقیقات کا حکم دے دیا ہے۔