جو حرام کھاتے ہیں،وہ آپ لوگوں کے لیے اچھے ہوتے ہیں،عدالت برہم

وفاقی آئینی عدالت نے کراچی میں غازی پولیس اہلکار کی جبری ریٹائرمنٹ پر برہمی کا اظہار کیا ہے

1995 میں بلدیہ ٹاؤن میں دہشتگردوں کی فائرنگ سے ریڑھ کی ہڈی میں گولی لگنے والے پولیس اہلکار قرار حسین کو علاج فراہم نہ کرنے اور 2025 میں جبری ریٹائر کرنے کا معاملہ عدالت پہنچ گیا۔جسٹس حسن اظہر رضوی نے ریمارکس دیے کہ”جو حرام کھاتے ہیں، بھتہ خوری کرتے ہیں وہ آپ لوگوں کے لیے اچھے ہوتے ہیں، جو سینے پر گولی کھائے وہ آپ کو اچھا نہیں لگتا”کیا پانچ لاکھ کی ادائیگی سے پورا جسم حاصل کرلیا گیا؟”اس طرح تو جانوروں کے ساتھ بھی نہیں ہوتا، یہ تو انسان ہیں، کم از کم اسی بنیاد پر قدر کریں”سب کچھ فورسز کے مورال سے ہوتا ہے، مورال ختم کردیں گے تو کون کھڑا ہوگا؟ عدالت نے جبری ریٹائرمنٹ سے متعلق رپورٹ اگلے سیشن تک طلب کرلی اور ڈی آئی جی کو طلب کرلی