نئی دہلی کی ایک خاتون نے ممبئی کا مشہور وڑا پاؤ کھانے کے لیے قریباً 15 ہزار بھارتی روپے (قریباً 43 ہزار 800 پاکستانی روپے) خرچ کردیے، جس کے بعد ان کی ویڈیو سوشل میڈیا پر وائرل ہوگئی۔
این ڈی ٹی وی کے مطابق ’وِٹی اسپیس‘ نامی مواد تخلیق کرنے والی خاتون کا کہنا تھا کہ نے دہلی میں وڑا پاؤ کھاتے ہوئے سوچا کہ یہ کوئی وڑا پاؤ ہے وڑا پاؤ تو سپنوں کی نگری ممبئی میں ملتا ہے پھر میں نے اچانک فیصلہ کیا کہ اگر اصل ذائقہ چکھنا ہے تو ممبئی جانا ہوگا، انہوں نے دہلی سے ممبئی کی پرواز کے لیے قریباً 5 ہزار روپے ادا کیے، راستے میں ہوائی اڈے پر چائے اور کھانے کے اخراجات بھی ہوئے-
خاتون کے مطابق ممبئی پہنچ کر قریباً 4 ہزار روپے یومیہ کے حساب سے ہوٹل کا کمرہ لیا،اور اگلی صبح وہ ممبئی کی گلیوں میں اصل وڑا پاؤ کی تلاش میں نکلیں اور بالآخر ایک خوانچہ فروش سے صرف 20 روپے میں وڑا پاؤ خرید لیا۔ اس وقت تک اس ایک وڑا پاؤ کے لیے ان کا مجموعی خرچ قریباً 15 ہزار روپے ہوچکا تھا۔ پہلا نوالہ لیتے ہی انہوں نے سفر کو قابلِ قدر قرار دیتے ہوئے کہا کہ ممبئی کا وڑا پاؤ واقعی ’خوابوں کی نگری‘ میں ہی ملتا ہے۔