آزاد جموں و کشمیر قانون ساز اسمبلی میں پاکستان پیپلز پارٹی کے رہنما چوہدری محمد یاسین کو باضابطہ طور پر اپوزیشن لیڈر مقرر کردیا گیا۔
اسپیکر آزاد کشمیر اسمبلی چوہدری طارق فاروق نے چوہدری محمد یاسین کی تقرری کا نوٹیفکیشن جاری کردیا ہے۔ وہ قانون ساز اسمبلی میں اپوزیشن جماعتوں کی نمائندگی کرتے ہوئے حکومت کے مقابل پارلیمانی کردار ادا کریں گے۔
واضح رہے کہ مسلم لیگ (ن) کی حکومت نے افتخار گیلانی کو آزاد کشمیر کا وزیراعظم منتخب کیا ہے۔ چوہدری محمد یاسین کی بطور اپوزیشن لیڈر تقرری کے بعد آزاد کشمیر قانون ساز اسمبلی میں حکومت اور اپوزیشن کا پارلیمانی سیٹ اپ مکمل ہوگیا ہے۔