مرکزی مسلم لیگ پنجاب کے صدر چوہدری محمد سرور کے صاحبزادے حسین ہاشم کی نماز جنازہ ادا کر دی گئی، نماز جنازہ جامع مسجد القادسیہ چوبرجی میں سیکرٹری جنرل مرکزی مسلم لیگ سیف اللہ قصوری نے پڑھائی،نماز جنازہ میں مرکزی مسلم لیگ کی قیادت،کارکنان کثیر تعداد میں شریک ہوئے
مرکزی مسلم لیگ پنجاب کے صدر چوہدری محمد سرور کے صاحبزادے حسین ہاشم گزشتہ ہفتے ٹریفک حادثے میں زخمی ہوئے تھے حادثے کے باعث جگر پر شدید چوٹ آئی،وہ ایک ہفتے تک زندگی اور موت کی کشمکش میں مبتلا رہے تاہم گزشتہ روز انکی موت ہوگئی، حسین ہاشم کی نماز جنازہ میں مرکزی مسلم لیگ کے صدرخالد مسعود سندھو، نائب صدر حافظ طلحہ سعید،محمد یعقوب شیخ،خالد نیک گجر،ڈاکٹر مزمل اقبال ہاشمی،علامہ ناصر مدنی،شیخ نعیم بادشاہ سمیت مرکزی مسلم لیگ کے کارکنان نے شرکت کی، نماز جنازہ کی ادائیگی کے بعد مرحوم کی میانی صاحب قبرستان میں تدفین کر دی گئی،مرکزی مسلم لیگ کے رہنماؤں نے چوہدری محمد سرور سے صاحبزادے کی وفات پر گہرے رنج و غم کا اظہار کیا ہے اور مرحوم کی لئے دعائے مغفرت،لواحقین کے لئے صبرجمیل کی دعا کی ہے.