اقوام متحدہ کے سیکریٹری جنرل انتونیو گوتریس کے مشرق وسطیٰ تنازع کے لیے ذاتی ایلچی ژاں آرنو نے نائب وزیرِاعظم و وزیرِ خارجہ سینیٹر اسحاق ڈار سے ملاقات کی ہے۔
ترجمان دفتر خارجہ کے مطابق ملاقات کے دوران اقوام متحدہ کے ایلچی نے خطے میں امن و استحکام کے لیے پاکستان کی سفارتی کوششوں کو سراہا اور اقوام متحدہ کی جانب سے اس سلسلے میں مسلسل حمایت کا اعادہ کیا،اسحاق ڈار نے ملاقات میں خطے کی تازہ صورتحال پر تبادلہ خیال کیا اور متعلقہ فریقین کے ساتھ پاکستان کے جاری روابط اور سفارتی کوششوں سے آگاہ کیا،انہوں نے اقوام متحدہ کے سیکریٹری جنرل کا شکریہ ادا کرتے ہوئے کہا کہ ان کی خدمات اور پاکستان کے لیے مسلسل تعاون قابلِ قدر ہے۔