چیئرمین شعبہ خدمت خلق مرکزی مسلم لیگ چوہدری شفیق الرحمان وڑائچ کی زیر صدارت اہم اجلاس ہوا،اجلاس میں شعبہ ریسکیو کو قومی سطح پر مزید منظم و فعال بنانے کیلئے "مسلم ریسکیو مشن” کے قیام کا باقاعدہ اعلان کر دیا گیا، ماہر ریسکیو و ٹرینر ابرار وحید مسلم ریسکیو مشن کے انچارج مقررکر دیئے گئے
خدمت خلق مرکزی مسلم لیگ کے اجلاس میں ملک بھر سے ضلعی ذمہ داران نے شرکت کی، اجلاس میں مسلم ریسکیو مشن کے تحت ملک بھر میں ریسکیو یونٹس کے قیام کا فیصلہ کیا گیا، اجلاس میں فیصلہ کیاگیا کہ واٹر، فائر، روڈ سمیت دیگر ریسکیو یونٹس قائم کئے جائیں گے ،چئرمین خدمت خلق مرکزی مسلم لیگ چوہدری شفیق الرحمان کا کہنا تھا کہ ہم نوجوانوں کو جدید ریسکیو تربیت فراہم کریں گے، ہر ضلع میں تربیت یافتہ ایمرجنسی رسپانس ٹیم تشکیل دیں گے،ملک بھر میں عوام کو ہنگامی حالات سے نمٹنے کی عملی تربیت دیں گے،مسلم ریسکیو مشن کے تحت کمیونٹی لیول پر سیفٹی اور ریسکیو تربیت دی جائے گی،مسلم ریسکیو مشن کو جدید تقاضوں سے ہم آہنگ کیا جائے گا قدرتی آفات اور حادثات میں شعبہ خدمت خلق مرکزی مسلم لیگ کے رضاکار فوری رسپانس یقینی بنائیں گے.