مرکزی مسلم لیگ کے ترجمان ڈاکٹر مزمل اقبال ہاشمی نے کہا ہے کہ ملکہ کوکین ،انمول عرف پنکی کے سرپرستوں،سہولت کاروں کے خلاف بھی کاروائی کی جائے،سینہ تانے ،بنا ہتھکڑی انمول کا عدالت جانانظام قانون کو چیلنج کر رہا ہے،پاکستان سے منشیات کی لعنت کے خاتمے کے لئے حکومت کو سخت کاروائی کرنی ہو گی، پنکی اور اسکے سرپرستوں کو نشان عبرت بنایا جائے
ڈاکٹر مزمل اقبال ہاشمی کا کہنا تھا کہ پاکستان کے نوجوانوں کو منشیات جیسی لعنت میں دھکیلنے والے دراصل قوم کے مستقبل کے دشمن ہیں،ایسے عناصر کے ساتھ آہنی ہاتھوں سے نمٹنا وقت کی اہم ترین ضرورت بن چکا ہے۔ پنکی نے خاتون ہونے کا فائدہ اٹھا کر کوکین اور دیگر منشیات کے مکروہ دھندے کو فروغ دیا، منشیات فروشی ایک سنگین جرم ہے، پنکی کا جرم کسی صورت قابل معافی نہیں ہے،پنکی کےسہولت کاروں، کوکین کے خریداروں سب کے خلاف کاروائی ہونی چاہئے ،پاکستان کےنوجوانوں کو منشیات کی جانب دھکیلنے والوں کو سخت سزا ملنی چاہئے،ضرورت اس امر کی ہے کہ حکومت ملک بھر میں منشیات فروشوں کے خلاف بڑے پیمانے پر کریک ڈاؤن کرے ،ڈاکٹر مزمل اقبال ہاشمی کا مزید کہنا تھا کہ اگر پاکستان سے منشیات کی لعنت کا خاتمہ کرنا ہے تو پس پردہ کرداروں،سہولت کاروں کے خلاف سب سے پہلے ایکشن لینا ہو گا،پنکی کیس کی شفاف تحقیقات کر کے پوری چین کو قانون کے شکنجے میں لایا جائے تاکہ قوم کو یہ پیغام ملے کہ قانون سب کے لیے برابر ہے اور نوجوان نسل کے مستقبل سے کھیلنے والوں کے لیے کوئی رعایت نہیں،