ن لیگ کے وزراء چیئرمین پیپلزپارٹی بلاول بھٹو زرداری کو منانے ان کے چیمبر میں پہنچ گئے۔
مسلم لیگ ن کے وزراء اسحاق ڈار اور اعظم نذیر تارڑ چیئرمین پیپلزپارٹی بلاول بھٹو زرداری کو منانے کیلئے ان کے چیمبر پہنچ گئےبلاول بھٹو زرداری نے بجٹ اجلاس میں شرکت نہ کرنے کا اعلان کیا تھا۔
ذرائع کے مطابق چیئرمین بلاول بھٹو زرداری اجلاس میں شرکت نہیں کریں گے ،کورم پورا کرنا پیپلزپارٹی کی ذمہ داری نہیں، پیپلزپارٹی کی ٹوکن حاضری ہوگی اراکین کی مرضی ہے اجلاس میں جائیں یا نہ جائیں،ذرائع کا کہنا ہے کہ بلاول بھٹو زرداری گلگت بلتستان معاملے پر حکومت سے سخت نالاں ہے، گلگت بلتستان معاملے پر ن لیگ کا رویہ پیپلزپارٹی کے ساتھ ٹھیک نہیں۔
پیپلزپارٹی اراکین کی ایوان میں ٹوکن انٹری ہوگی پیپلزپارٹی اراکین پانی کے مسئلے پر پلے کارڈز کے ساتھ ایوان میں داخل ہوئے شازیہ مری اور دیگر خواتین پلے کارڈز کے ساتھ اسپیکر ڈائس کے پاس جمع ہوئے پیپلزپارٹی کی خواتین اراکین نے سندھی میں نعرے لگائے-