وزیر خارجہ شاہ محمود قریشی اسلامی ملک کے دو روزہ دورے پر روانہ
باغی ٹی وی کی رپورٹ کے مطابق وزیر خارجہ شاہ محمود قریشی دو روزہ دورے پر روانہ ہو گئے
وزیرخارجہ شاہ محمود قریشی دو روزہ دورے پر متحدہ عرب امارات روانہ ہوگئے ہیں اور وہاں اماراتی قیادت سے ملاقاتیں کریں گے۔وزیرخارجہ مسلم ممالک کے ساتھ دو طرفہ تعلقات کے فروغ کیلئے دورہ کررہے ہیں۔ دورہ متحدہ عرب امارات باہمی روابط کے فروغ کا تسلسل ہے۔
شاہ محمود قریشی متحدہ عرب امارات میں مقیم پاکستانی کمیونٹی سے بھی ملاقات بھی کریں گے۔ توقع ہے کہ وزیر خارجہ کا یہ دورہ، پاکستان اور متحدہ عرب امارات کے مابین گہرے تاریخی، مذہبی اور تہذیبی بنیادوں پر استوار دو طرفہ تعلقات کو مزید وسعت دینے میں معاون ثابت ہو گا۔
وزیر خارجہ شاہ محمود قریشی 2روزہ دورے پر متحدہ عرب امارات روانہ۔ وزیرخارجہ مسلم ممالک کے ساتھ دو طرفہ تعلقات کے فروغ کیلئے دورہ کررہے ہیں۔ دورہ متحدہ عرب امارات باہمی روابط کے فروغ کا تسلسل ہے۔ pic.twitter.com/sD421t8Lbt
— Directorate of Electronic Media and Publications (@demp_moib) December 17, 2020
اماراتی حکام سے ملاقاتوں میں دو طرفہ تعلقات کے فروغ اور باہمی دلچسپی کے امور پر تبادلہ خیال کیا جائے گا۔ دفترخارجہ کا کہنا ہے کہ وہ دوطرفہ تعاون، تجارت، سرمایہ کاری اور پاکستانیوں کی فلاح و بہبود پر تبادلہ خیال کریں گے۔
واضح رہے کہ گزشتہ ماہ متحدہ عرب امارات نے پاکستان سمیت12 ممالک کے شہریوں کو ویزٹ ویزا کا اجرا روک دیا تھا۔ترجمان دفترخارجہ زاہد حفیظ چوہدری نے اپنے بیان میں کہا تھا کہ یو اے ای انتظامیہ کی جانب سے یہ فیصلہ ممکنہ طور پر کورونا وائرس کی دوسری لہر کے پیش نظر کیا گیا۔وزٹ ویزا پر پابندی کے چند ہفتوں بعد وزیرخارجہ کا دورہ انتہائی اہمیت کا حامل ہے اور توقع کی جا رہی ہے متحدہ عرب امارات کی طرف سے مثبت پیش رفت سامنے آئے گی۔
پاکستان اور عرب امارات کے تعلقات بگڑ گئے،اصل حقیقت کیا مبشر لقمان سامنے لے آئے