اسلام آباد: اسلام آباد ہائی کورٹ نے معروف ٹک ٹاکر ثناء یوسف کے قتل کیس میں اہم فیصلہ سناتے ہوئے ٹرائل دوسری عدالت منتقل کرنے کی درخواست مسترد کر دی۔
عدالتِ عالیہ کی جانب سے جاری حکم میں کہا گیا ہے کہ کیس کی سماعت بدستور موجودہ عدالت میں ہی جاری رہے گی، جبکہ ٹرائل جج افضل مجوکا کو کارروائی جاری رکھنے کی ہدایت بھی دے دی گئی ہے۔یہ فیصلہ چیف جسٹس سرفراز ڈوگر نے ملزم عمر حیات کی جانب سے دائر درخواست پر سنایا۔ ملزم نے ٹرائل جج پر عدم اعتماد کا اظہار کرتے ہوئے کیس کسی دوسری عدالت منتقل کرنے کی استدعا کی تھی، جسے عدالت نے مسترد کر دیا۔عدالتی فیصلے کے بعد کیس کی سماعت میں تیزی آنے کا امکان ظاہر کیا جا رہا ہے، جبکہ قانونی ماہرین کے مطابق اس فیصلے سے ٹرائل کے تسلسل کو یقینی بنایا گیا ہے۔