حکومت کی جانب سے پیٹرولیم مصنوعات کی نئی قیمتوں کا اعلان کر دیا گیا۔
اوگرا کی جانب سے جاری کردہ نوٹیفکیشن کے مطابق ڈیزل کی فی لیٹر قیمت میں 32 روپے 63 پیسے کی کمی کی گئی ہے جس کے بعد ڈیزل کی قیمت 363 روپے 6 پیسے ہوگئی،پیٹرول کی فی لیٹر قیمت میں 2 روپے 97 پیسے کا اضافہ کیا گیا ہے۔ جس کے بعد پیٹرول کی نئی قیمت 337 روپے 51 پیسے ہو گئی۔
پیٹرولیم ڈویژن نے پیٹرولیم مصنوعات کی قیمتوں کا 20 اگست کے لیے نوٹیفکیشن جاری کر دیا۔
واضح رہے کہ وزیراعظم شہباز شریف نے وزیر پیٹرولیم علی پرویز ملک کو ہدایت کی تھی کہ ڈیزل کی قیمت میں کمی کے لیے فوری اقدامات کیے جائیں تاکہ عوام کو ریلیف مل سکے،حکومت نے مشرق وسطیٰ میں جاری صورت حال کے پیش نظر پیٹرولیم مصنوعات کی قیمتوں کے روزانہ کی بنیاد پر تعین کا فیصلہ کیا ہے، تاہم ہفتہ اور اتوار کو قیمتیں برقرار رہتی ہیں۔