ڈکیتی کرنےوالے دو ملزمان زخمی حالت میں گرفتار

کراچی کے علاقے سعید آباد میں بیکری میں ڈکیتی کرنےوالے دو ملزمان کو زخمی حالت میں گرفتار کرلیا گیا ہے جبکہ پولیس کے مطابق ملزمان نے بیکری میں واردات کی اور واپس جانے لگے تو شہری نے فائرنگ کردی تاہم اس حوالے سے پولیس نے بتایا ہے کہ شہری کی فائرنگ سے ایک ملزم زخمی ہوگیا جبکہ دوسرا ملزم پولیس کی فائرنگ سے زخمی ہوا ہے۔

پولیس نے ملزمان کو حراست میں لے کر اسپتال منتقل کردیا ہے اور ملزمان سے اسلحہ برآمد کرلیا گیا جبکہ دوسری جانب جامعہ کراچی کی طالبہ کو زبردستی رکشے میں بیٹھانے کی کوشش کی گئی تھی ، طالبات کی شکایت پر پولیس نے تحقیقات شروع کردی ہے جبکہ متاثرہ طالبہ کا کہنا ہے کہ نامعلوم افراد نے زبردستی رکشے میں بیٹھانے کی کوشش کی، رکشے میں سوار 2 افراد نے ہمارے سر پر اسلحہ رکھا اور جب زبردستی کی تو ہم بھاگ کھڑئی ہوئیں۔
مزید یہ بھی پڑھیں؛
چیف سیکرٹری گلگت بلتستان محی الدین احمد وانی کو عہدے سے ہٹا دیا گیا
مولانا فضل الرحمان سے سابق وفاقی وزیر محمد علی درانی کی ملاقات
پنجاب کا اگلا وزیر اعلیٰ کون؟ خرم حمید روکھڑی کے اہم انکشافات
جبکہ اس حوالے سے پولیس کا کہنا ہے کہ واقعے کی اطلاع ملی تو فوری طور پر نفری کو بھیجا گیا۔ واقعہ اسٹریٹ کرائم کا معلوم ہوتا ہے اور طالبہ کی شکایت کے بعد مبینہ ٹاؤن پولیس نے تحقیقات شروع کردیں۔ جامعہ کراچی کی طالبات کو مبینہ طور پر اغواء کرنے کی کوشش کی گئی یا یہ رہزنی کا کوئی واقعہ تھا یہ تو پولیس کی تحقیقات مکمل ہونے کے بعد ہی پتہ چلے گا۔