اوکاڑہ (نامہ نگار ملک ظفر)ڈپٹی کمشنر احمد عثمان جاوید کی زیر صدارت ڈسٹرکٹ کوارڈینیشن کمیٹی برائے نیشنل ایکشن پلان کا اجلاس، ڈی پی او ڈاکٹر اسد اعجاز ملہی، آرمی افسران، ضلعی انتظامیہ اور دیگر صوبائی و وفاقی محکموں کے افسران نے بھی شرکت کی۔
اجلاس کو نان کسٹم پیڈ گاڑیوں، سمگلنگ، غیر قانونی پٹرول پمپس اور ایل پی جی شاپس، بجلی چوری کے خلاف کریک ڈاؤن والے تفصیلی بریفنگ دی گئی۔ ٹریفک قوانین کی خلاف ورزی پر ایکشن، تجاوزات کے خلاف کریک ڈاؤن مدارس کی رجسٹریشن اور اوورسیز پاکستانیوں کی شکایات کے ازالہ بارے بھی آگاہ کیا گیا۔ ڈپٹی کمشنر نے قانون کی بالادستی کے لیے تمام اداروں کو کوارڈینیشن کے فروغ کے بھی احکامات دیے۔ ڈپٹی کمشنر احمد عثمان جاوید نے کہا کہ نان کسٹم پیڈ گاڑیوں، سمگلنگ اور غیر قانونی سگریٹس کے خلاف سخت کاروائیاں ناگزیر ہیں۔ بجلی چوروں کے خلاف شکنجہ تنگ کرنے کی جانب بھی خصوصی توجہ دی جائے۔ انہوں نے کہا کہ غیر قانونی پٹرول پمپس اور ایل پی جی شاپس کے کاروبار کو ریگولیٹ کیا جانا ازحد ضروری ہے۔ محرم الحرام کے سلسلہ میں امن عامہ کے لیے ضابطہ اخلاق پر مکمل عملدرآمد کرایا جائے گا۔