پشاور میں یومِ عاشورہ کے موقع پر سکیورٹی کے غیر معمولی انتظامات کیے گئے ہیں اور صوبے بھر میں پولیس اور قانون نافذ کرنے والے اداروں کو ہائی الرٹ کر دیا گیا ہے۔
حکام کے مطابق صوبے کے 8 اضلاع کو انتہائی حساس جبکہ 6 اضلاع کو حساس قرار دیا گیا ہے محرم الحرام کے دوران صوبے کی 614 امام بارگاہوں اور 907 عزاداری جلوسوں کی سکیورٹی کے لیے سخت انتظامات کیے گئے ہیں سکیورٹی پلان کے تحت صوبہ بھر میں 43 ہزار 317 پولیس اہلکار تعینات کیے جائیں گے، جبکہ 12 ہزار سے زائد سکیورٹی اہلکار فرائض انجام دیں گے۔
حکام کے مطابق انتہائی حساس علاقوں میں موبائل فون سروس مکمل طور پر معطل رکھی جائے گی، جبکہ حساس مقامات پر جزوی طور پر موبائل سروس بند کی جا سکتی ہے سکیورٹی خدشا ت کے پیش نظر اندرون شہر متعدد تجارتی مراکز اور دکانیں بھی بند رکھنے کا فیصلہ کیا گیا ہے علاوہ ازیں پشاور بی ارٹی سروس نویں اور دسویں محرم کو مکمل طور پر معطل رہے گی .