وزیراعظم شہبازشریف نے کہا کہ چین نے گزشتہ 75 برس میں بے مثال ترقی کی اور آج وہ دنیا کے لیے ایک قابلِ تقلید ماڈل بن چکا ہے۔
بیجنگ میں پاکستان اور چین کے سفارتی تعلقات کے 75 سال مکمل ہونے پر خصوصی تقریب کا انعقاد کیا گیا، جس میں وزیراعظم شہباز شریف نے شرکت کی،تقریب سے خطاب کرتے ہوئے وزیراعظم شہبازشریف نے کہا کہ چین نے گزشتہ 75 برس میں بے مثال ترقی کی اور آج وہ دنیا کے لیے ایک قابلِ تقلید ماڈل بن چکا ہے۔
انہوں نے کہا کہ پاکستان اور چین کے تعلقات اب ایسے بلند مقام پر پہنچ چکے ہیں جن کی کوئی مثال نہیں ملتی، معاشی طاقت کے لحاظ سے چین کا کوئی ثانی نہیں، جبکہ 2010 کے تباہ کن سیلاب کے دوران چین نے پاکستان کی بھرپور مدد کی شی جن پنگ کی قیادت میں کروڑوں افراد غربت سے باہر آئے اور خطے میں امن، ترقی اور خوشحالی کے لیے چین کی کوششیں قابلِ تحسین ہیں صدر شی جن پنگ تنازعات کے حل کے لیے مذاکرات پر یقین رکھتے ہیں۔
تقریب کے اختتام پر وزیراعظم شہبازشریف اور چینی نائب صدر نے پاک چین سفارتی تعلقات کے 75 سال مکمل ہونے پر یادگاری کیک بھی کاٹا۔