جرمنی کے شمالی شہر اسٹیڈ (Stade) میں ایک نوجوانوں کے مرکز پر فائرنگ کے واقعے میں کم از کم پانچ افراد ہلاک جبکہ متعدد افراد زخمی ہو گئے۔
پولیس کے مطابق واقعے کے بعد فوری کارروائی کرتے ہوئے دو مشتبہ افراد کو حراست میں لے لیا گیا ہے۔ حکام کا کہنا ہے کہ فائرنگ کے محرکات تاحال معلوم نہیں ہو سکے اور واقعے کی مختلف پہلوؤں سے تحقیقات جاری ہیں۔
ابتدائی اطلاعات کے مطابق حملہ ایک یوتھ فیسلٹی میں ہوا، جہاں فائرنگ کے نتیجے میں کئی افراد زخمی بھی ہوئے۔ زخمیوں کو فوری طور پر قریبی اسپتالوں میں منتقل کر دیا گیا، جبکہ ہلاکتوں میں اضافے کا خدشہ بھی ظاہر کیا جا رہا ہے۔
جرمن پولیس نے بتایا ہے کہ صورتحال اب قابو میں ہے اور عوام کے لیے کسی مزید خطرے کی اطلاع نہیں۔ سیکیورٹی اہلکاروں نے جائے وقوعہ کو گھیرے میں لے کر شواہد اکٹھے کرنا شروع کر دیے ہیں، جبکہ متاثرہ مقام کے اطراف سیکیورٹی مزید سخت کر دی گئی ہے۔
حکام کا کہنا ہے کہ واقعے کی مکمل تحقیقات جاری ہیں اور ملزمان سے پوچھ گچھ کے بعد فائرنگ کی وجوہات اور دیگر حقائق سامنے آنے کی توقع ہے۔
جرمنی میں فائرنگ، 5 افراد ہلاک، 2 مشتبہ افراد گرفتار
