اسرائیلی رکن پارلیمنٹ موشے فیگلن نے مبینہ طور پر ہٹلر کا حوالہ دیتے ہوئے کہا کہ جس طرح ہٹلر نے یہودیوں کے خاتمے کا عزم ظاہر کیا تھا، اسی طرح غزہ کے حوالے سے ایک متنازع مؤقف پیش کیا گیا۔
سوشل میڈیا پلیٹ فارم ’ایکس‘ پر ایک پوسٹ وائرل ہو رہی ہےجس میں سابق اسرائیلی کنیسٹ رکن موشے فیگلن سے منسوب ایک انتہائی متنازع بیان سامنے آیا ہے، جس میں مبینہ طور پر ہٹلر کا حوالہ دیتے ہوئے غزہ سے متعلق سخت الفاظ شامل ہیں، تاہم اس دعوے کی آزاد ذرائع سے فوری طور پر تصدیق نہیں ہو سکی۔
وائرل پوسٹ میں دعویٰ کیا گیا ہے کہ موشے فیگلن نے مبینہ طور پر ہٹلر کا حوالہ دیتے ہوئے کہا کہ جس طرح ہٹلر نے یہودیوں کے خاتمے کا عزم ظاہر کیا تھا، اسی طرح غزہ کے حوالے سے ایک متنازع مؤقف پیش کیا گیا،موشے فیگلن نے کہا کہ ’ہم اس سرزمین میں اس وقت تک نہیں رہ سکتے جب تک غزہ میں ایک بھی مسلمان موجود ہے انہیں ختم کر دینا چاہیے۔
یہ بیان وائرل ہونے کے بعد مختلف حلقوں کی جانب سے شدید ردعمل سامنے آیا ہے، تاہم اب تک کسی معتبر بین الاقوامی خبر رساں ادارے یا سرکاری سطح پر اس کی تصدیق نہیں ہو سکی،دوسری جانب موشے فیگلن کی جانب سے اس حوالے سے کوئی باضابطہ وضاحت یا تردید سامنے نہیں آئی ہے۔