ایران کے سرکاری ذرائع ابلاغ اور آیت اللہ علی خامنہ ای کی سرکاری ویب سائٹ نے شہید ایرانی سپریم لیڈر کی رہائش گاہ کی ویڈیو جاری کردی، رواں سال 28 فروری کو امریکا اور اسرائیل کے مشترکہ حملوں میں 86 سالہ علی خامنہ ای شہید ہوئے تھے۔
ویڈیو میں امریکی و اسرائیلی حملے کا نشانہ والے کمپاؤنڈ کے ایک حصے کو دکھایا گیا ہے ایران کے شہید سپریم لیڈر سید علی خامنہ ای کی رہائش گاہ پر حملہ حالیہ امریکا۔اسرائیل جنگ کے پہلے ہی روز کیا گیا تھا /strong> حملے میں سپریم لیڈر کے خاندان کے متعدد افراد بھی شہید ہوئے تھے جبکہ ان کے صاحبزادے اور موجودہ سپریم لیڈر مجتبیٰ علی خامنہ ای بھی زخمی ہوئے تھے۔
ایران کی جانب سے جاری کی گئی 35 سیکنڈز کی ویڈیو میں کمپاؤنڈ کے اندر واقع امام خمینی حسینیہ نامی ہال کو تباہ حال دکھایا گیا ہے، مناظر میں ملبہ، منہدم ڈھانچے، ٹیڑھے دھاتی شہتیر اور تباہ شدہ حصے واضح نظر آ رہے ہیں یہ ہال اہم ملاقاتوں اور عوامی خطابات کے لیے استعمال ہوتا تھا۔
دوسری جانب ایران کے شہید سپریم لیڈر آیت اللہ سید علی خامنہ ای اور ان کے اہل خانہ کی تدفین آج مشہد میں روضہ امام رضا کے احاطے میں کی جائے گی گورنرآفس کے مطابق شہید آیت اللہ خامنہ ای کی میت رات کربلا لائی گئی جہاں 70 لاکھ سوگواران نے شرکت کی جسد خاکی کو کربلا میں حضرت عباسؓ اور امام حسینؓ کے روضوں پر بھی لے جایا گیا، کربلا سے پہلے آیت اللہ خامنہ ای کی میت نجف لائی گئی تھی جہاں حضرت علیؓ کے روضے میں ان کی نماز جنازہ ادا کی گئی،اس سے قبل پیر کو تہران اور منگل کو قم میں لاکھوں افراد نے شہید سید علی خامنہ ای اور ان کے اہلِ خانہ کی نماز جنازہ ادا کی تھی۔