امت مسلمہ اتحاد اور یکجہتی کا مظاہرہ کرے تو مسئلہ فلسطین بھی حل ہو سکتا ہے،خواجہ‌آصف

وزیر اعظم شہباز شریف نے کہا ہےکہ جینیوا میں امریکا اور ایران کےد رمیان معاہدے کی تقریب کی میزبانی پاکستان کرے گا۔

قومی اسمبلی میں اظہار خیال کرتے ہوئے وزیراعظم شہباز شریف نے کہا کہ جنگ کی تاریک رات کے بعد امن کا سورج طلوع ہوگیا ہے، امریکا اور ایران نے تمام محاذوں پر فوجی کارروائی کے مستقل خاتمے کا اعلان کردیا ہے، فریقین نے مشکلات حالات میں صبر، تحمل اور دانشمندی کا دامن نہیں چھوڑا، امریکا اور ایران کے درمیان جینیوا میں ہونے والی امن معاہدے کی تقریب کی میزبانی پاکستان کرے گا۔

وزیر دفاع خواجہ آصف نے کہا ہے کہ اکستانی قیادت، بالخصوص وزیراعظم اور فیلڈ مارشل سید عاصم منیر نے ایک نہایت نازک مسئلے کو دانشمندی اور حکمت عملی کے ساتھ حل کیا ہے-

قومی اسمبلی میں اظہار خیال کرتے ہوئےوزیر دفاع نے کہا کہ پاکستان اس وقت تاریخ ساز لمحات سے گزر رہا ہے اور حالیہ پیش رفت کے نتیجے میں دنیا بھر میں پاکستان کے عزت و وقار میں نمایاں اضافہ ہوا ہے پاکستانی قیادت، بالخصوص وزیراعظم اور فیلڈ مارشل سید عاصم منیر نے ایک نہایت نازک مسئلے کو دانشمندی اور حکمت عملی کے ساتھ حل کیا ہے اس حوالے سے معاہدے پر جمعہ کے روز دستخط کیے جائیں گےپاکستان کو حالیہ عرصے میں ایسا اعزاز پہلے کبھی حاصل نہیں ہوا۔

خواجہ آصف نے ایرانی قیادت اور عوام کو بھی مبارکباد دیتے ہوئے کہا کہ سخت اور مشکل حالات میں ایرانی قیادت نے اپنی قوم کی بہترین انداز میں رہنما ئی کی اگر امت مسلمہ اسی طرح اتحاد اور یکجہتی کا مظاہرہ کرے تو وہ وقت دور نہیں جب مسئلہ فلسطین بھی حل ہو سکتا ہے اگر گزشتہ دہائیوں میں اسلام آباد اور راولپنڈی کے درمیان اسی نوعیت کا مضبوط تعاون موجود ہوتا تو پاکستان کئی مزید بین الاقوامی کامیابیاں حاصل کر چکا ہوتا۔

انہوں نے کہا کہ گزشتہ 3 سال کی کوششوں کا اللہ تعالیٰ نے آج بڑا ثمر عطا کیا ہے، پاکستان نے ایک سال قبل ایک اور جنگ بھی لڑی جس میں مسلح افواج نے قوم کا سر فخر سے بلند کیا ملک اس وقت دہشتگردی کے خلاف ایک بڑی جنگ لڑ رہا ہے جو دراصل 25 کروڑ عوام کی مشترکہ جنگ ہے، قومی اتحاد کے ذریعے ہی اس چیلنج پر قابو پایا جا سکتا ہے پاکستان معاشی محاذ پر بھی آگے بڑھ رہا ہے اور انشا اللہ مستقبل میں مزید کامیابیاں حاصل ہوں گی، انہوں نے سیاسی اختلافات کے باوجود قومی مفاد کو مقدم رکھنے کی ضرورت پر زور دیا۔

وزیر دفاع نے امریکی قیادت کا بھی شکریہ ادا کیا اور کہا کہ خطے میں امن کے لیے ان کا کردار قابلِ تعریف ہے، انہوں نے کہا کہ ایران کے ساتھ دہائیوں سے جاری ناانصافیوں کے خاتمے کی امید پیدا ہوئی ہے انہوں نے خلیجی ممالک سے بھی اپیل کی کہ وہ اس موقع پر امت مسلمہ کے اتحاد میں کردار ادا کریں، ان کا موقف تھا کہ ہمیں فلسطین اور کشمیر کے مسائل کے حل کے لیے بھی متحد ہو کر آواز بلند کرنی چاہیے۔