انسداد دہشتگردی عدالت اسلام آباد میں گروپ کیپٹن عاصم طارق قتل کیس کے ملزم سعد عباسی کو پیش کر دیا گیا
تفتیشی افسر نے کہا کہ ملزم سعدعباسی کو شناخت پریڈ پر بھیجنا ہے ،پراسیکیوٹر رانا نوید نے کہا کہ کیس میں دو چشم دید گواہ بھی ہیں، جج ابو الحسنات ذوالقرنین نے ملزم سے استفسار کیا کہ کیوں کیا ہے یہ کام؟ جس پر ملزم سعد عباسی نے کہا کہ میں لڑکی کے ساتھ تھا، بندہ آکر ہمیں ڈسٹرب کررہاتھا،جج ابوالحسنات نے کہا کہ کیا اچھا کام کررہے تھے، جو ڈسٹرب کیا، عدالت نےملزم سعد عباسی کو شناخت پریڈ کے لیے جیل منتقل کرنے کا حکم دے دیا،عدالت نے ملزم کو 14 روزہ ریمانڈ پر شناخت پریڈ کے لیے جیل بھیج دیا،شناخت پریڈ کا عمل مکمل ہونے پر رپورٹ عدالت پیش کرنے کا حکم دے دیا گیاعدالت نے 20 جولائی کو ملزم کو دوبارہ پیش کرنے کا حکم بھی دیا،عدالت نے کیس کی مزید سماعت 20 جولائی تک ملتوی کردی
ایف آئی آر میں درج کردہ گواہ ملزم کی جیل میں شناخت کریں گے، ملزم کو آج چہرہ ڈھانپ کر عدالت میں پیش کیا گیا