ننکانہ صاحب
(احسان اللہ ایاز باغی ٹی وی نامہ نگار )
ڈیتھ سرٹیفکیٹ کے لیے رشوت طلب کرنے پر یونین کونسل میں کارروائی، نائب قاصد سے نشان زدہ رقم برآمدننکانہ صاحب ڈیتھ سرٹیفکیٹ کے اجرا کے لیے شہری سے 10 ہزار روپے رشوت طلب کرنے کی شکایت پر اینٹی کرپشن اسٹیبلشمنٹ ننکانہ صاحب نے کارروائی کرتے ہوئے یونین کونسل کے نائب قاصد محمد نواز عرف ننھا بابا سے نشان زدہ رقم برآمد کرلی تفصیلات کے مطابق چک نمبر 43 آر بی کوٹلہ کلاں کے رہائشی اور پاک فوج کے ریٹائرڈ اہلکار لیاقت علی نے اینٹی کرپشن میں درخواست دی کہ اپنی پھوپھی کی وراثت اور ڈیتھ سرٹیفکیٹ بنوانے کے سلسلے میں متعلقہ سیکرٹری یونین کونسل کے مطالبے پر نائب قاصد محمد نواز عرف ننھا بابا نے اس سے 10 ہزار روپے رشوت طلب کی۔درخواست پر اینٹی کرپشن سرکل آفیسر اصغر علی نے ٹیم کے ہمراہ علاقہ مجسٹریٹ صفدر علی خان کی نگرانی میں کارروائی کی، جس کے دوران نائب قاصد محمد نواز عرف ننھا بابا سے نشان زدہ 10 ہزار روپے برآمد کرلیے گئے۔اینٹی کرپشن تھانہ ننکانہ صاحب نے مقدمہ درج کر کے کاروائی شروع کردی ہے۔