وفاقی وزیر خزانہ محمد اورنگزیب سے ورلڈ بینک کے وفد نے ملاقات کی ہے،
وفد کی قیادت بولورما امگابازار کر رہی تھیں۔ ملاقات میں اقتصادی اصلاحات، ایف بی آر کی بہتری، ٹیکس نظام میں جدید ٹیکنالوجی کے استعمال اور ادارہ جاتی اصلاحات پر تفصیلی گفتگو ہوئی۔وزیر خزانہ نے معاشی اصلاحات میں ورلڈ بینک کے تعاون کو سراہتے ہوئے کہا کہ حکومت ٹیکس نظام میں آٹومیشن، ڈیجیٹلائزیشن اور طریقہ کار آسان بنانے پر کام کر رہی ہے۔ انہوں نے کہا کہ حکومت مقامی قرض اور کیپیٹل مارکیٹس کو مضبوط بنانے اور بینک فنانسنگ پر انحصار کم کرنے کیلئے مارکیٹ بیسڈ فنانسنگ کو فروغ دے رہی ہے۔ملاقات میں برآمدات پر مبنی معاشی ترقی، سرمایہ کاری، کاروباری ماحول، بیرون ملک روزگار کے مواقع اور ہنر مند افرادی قوت کی تیاری پر بھی تبادلہ خیال کیا گیا۔ ورلڈ بینک نے شفافیت، کارکردگی اور ٹیکس دہندگان کی سہولت بہتر بنانے کیلئے تعاون جاری رکھنے کے عزم کا اعادہ کیا