میامی: معروف سوشل میڈیا انفلوئنسر اور کائلی جینر کی قریبی دوست اسٹاسی کرانیکولاو نے حالیہ دنوں میں اپنی نئی باڈی ٹرانسفارمیشن کے بعد پہلی بار عوامی سطح پر جلوہ دکھایا، جس نے مداحوں کی بھرپور توجہ حاصل کر لی۔
بین الاقوامی میڈیا رپورٹس کے مطابق 28 سالہ اسٹاسی کو 29 اپریل کو میامی بیچ پر سرخ بکنی میں دیکھا گیا، جہاں انہوں نے حالیہ “بی بی ایل ریڈکشن” کے بعد اپنی بدلی ہوئی شکل کو نمایاں کیایہ پیش رفت اس سرجری کے تقریباً سات ماہ بعد سامنے آئی ہے، جب اسٹاسی نے گزشتہ سال اکتوبر میں ایک ویڈیو کے ذریعے انکشاف کیا تھا کہ وہ سرجری کے بعد ریکوری سینٹر میں موجود ہیں۔ انہوں نے بتایا تھا کہ وہ اس تبدیلی کے بعد خود کو زیادہ پُرسکون اور مطمئن محسوس کر رہی ہیں۔
اپنے بیان میں اسٹاسی کا کہنا تھا “میں اب خود کو زیادہ بہتر محسوس کرتی ہوں، اور اپنی جلد میں بہتر محسوس کر رہی ہوں۔”انہوں نے یہ بھی اعتراف کیا کہ ماضی میں انہوں نے کم عمری میں بی بی ایل کروانے کا فیصلہ دباؤ اور بدلتے ہوئے فیشن ٹرینڈز کے زیر اثر کیا، جس پر بعد میں انہیں افسوس ہوا۔ مئی 2025 میں اپنے پوڈکاسٹ کے دوران انہوں نے کہا “یہ ایک ایسا فیصلہ تھا جس پر مجھے پچھتاوا ہے، اور میں کافی عرصے سے اسے درست کرنے کی کوشش کر رہی ہوں۔”
اسٹاسی نے اپنے مداحوں کو مشورہ دیتے ہوئے کہا کہ وقتی رجحانات کے پیچھے چل کر جسم میں مستقل تبدیلیاں کروانا درست نہیں کیونکہ ٹرینڈز بدلتے رہتے ہیں۔سوشل میڈیا پر ان کی نئی تصاویر وائرل ہو رہی ہیں، جہاں کچھ صارفین ان کے اعتماد کی تعریف کر رہے ہیں تو کچھ اس تبدیلی پر مختلف آراء کا اظہار کر رہے ہیں۔