اسلام آباد: پمز اسپتال کی نرسری میں 15 نومولود کی ہلاکت کے بعد اسپتال کے مالیاتی بجٹ کی تفصیلات بھی سامنے آگئی۔
وفاقی حکومت کی جانب سے گزشتہ تین سال کے دوران پمز اسپتال کو 22ارب روپے کا بجٹ دیا گیا،گزشتہ سال پمز اسپتال کے لیے وفاقی حکومت نے 6ارب 84کروڑ بجٹ مختص کیا جبکہ پمز اسپتال انتظامیہ نے مختص بجٹ کے برعکس 7ارب 51 کروڑ روپے خرچ کیے۔
گزشتہ سال پمز اسپتال انتظامیہ نے 66کروڑ اضافی بجٹ وصول کیا اور رواں سال پمز اسپتال کے لیے 7 ارب 63 کروڑ بجٹ مختص کیا گیاوفاقی حکومت نے رپیئر اینڈ مینٹیننس کی مد میں پمز اسپتال کو 50کروڑ روپے دیے، رواں سال رپیئر اینڈ مینٹیننس کی مد میں 23کروڑ روپے مختص کیے گئے۔